دوزلو اوغلان آذربايجاني موزيک تورکي شعر موسيقي

سونراکي صحيفه Sonrakı Səhifə<<<



ایسته ییرم

بیر دنه یار ایسته ییرم ، دردیمه درمان اولسون

منی مجنون ائتسین ، اؤزو لیلی دوران اولسون

گؤزلری آهو گؤزو ، قاشلاری دا اَیری کامان

باخیشلارین اُخ تک آتیب ، گؤزلریم حیران اولسون

گولوشو نازلی شکر ، لبرلری بالدان دا شیرین

باخدیقجا او تایسیز یارا ، کونلوم پریشان اولسون

قد و قامت نومره ییرمی ، یئریشی جانلار آلان

کاشکی بو دیلبریم هر گون ، قلبیمه مهمان اولسون

سسی سازلی سؤزو آوازلی اولان دوزلو نیگار

منی سئودیکجه بو جانسیز اؤلو جیسمه جان اولسون

دیلینه عاشیق اولان ، یوردو اوچون جاندا وئرن

جانانا هر نه واریم همده جانیم قوربان اولسون

شاعیر : وحید شکرزاده



برچسب‌ها: تورکی شعر, تورکجه شعرلر, وحید شکرزاده, آذربایجان شعرلری, سئوگی شعرلری
+ يازان وحید شکرزاده | داغ کن - کلوب دات کام

شیطان اورکلی ملک
 

آیریلیقا حسرت اولان ، بوگون سنه موبارک

آیریلمیشیق سئوینگینن ، چال سازینی وور بزک

سئومه دین هئچ واخت منی سن ، سؤیله جانیم اوتانما

عاشیقیدیم من سنه ، عشقینده یاندی بو اورک

ایندی گزیرسن غیریله ، سن منی چوخدان آتدین

هئچ یادیندا ایکیمیز ، ال اله توتموشدوق دیلک

همانکی گون دوغوم گونون ، آی اولدوزلو او گئجه

وئرمیشدیم سئوگیله بیر غزل بیر هدیه بیر چیچک

آنلاشیلان اونوتموسان هم منی هم خاطیره می

منده اونوتموشام سنی شیطان اورکلی ملک

لاییق دئیلدین نه منه نده گؤزل سئوگیمه

اورگتدی سئودا داحا کیمسه نی سئومییم گرک

شاعیر : وحید شکرزاده

برچسب‌ها: تورکی شعر, وحید شکرزاده, آیریلیق شعری, وحید شکرزاده نین شعرلری, سئوگی شعرلری
+ يازان وحید شکرزاده | داغ کن - کلوب دات کام



تورکون مارالی

قلبیمه سولطان ، تورکون مارالی

ندن گزیرسن ، مندن آرالی ؟

کونلوم اولوبدور ، ای یار یارالی

عشقینه سولطان ، آختارسان منم

دوزلو بیر اوغلان ، آختارسان منم

گؤزل دئیلم ، بلکه گؤزونده

گیزلتمه سؤیله ، بونو سؤزونده

گؤزللیک گرک ، اولسون اؤزونده

گؤزلرن حیران ، آختارسان منم

جان وئرن جانان ، آختارسان منم

قیزیلدان ائویم ، یوخدور دیلداریم

باهالی ماشین ، یوخودا واریم

اورتا قازانجلی ، اینسانام یاریم

حلال چالیشان ، آختارسان منم

خوشبخت یاشادان ، آختارسان منم

اوزلو دئیلم ، گئچم قاباغان

اوپوجوک قویام ، گؤزل یاناغان

اولا محبت ، کونلونده یاغان

سندن اوتانان ، آختارسان منم

تک سنه باخان ، آختارسان منم

مجنون دئیلم ، چوللرده گزم

فرهاد دئیلم ، داغلاری دلم

کرم دئیلم ، دیللره دوشم

سؤزونده دوران ، آختارسان منم

عاشیق دوران ، آختارسان منم

اینانما بیر گون ، دیلیمی آتام

آنا دیلیمی ، اؤزگه یه ساتام

تورکو دیلیمه ، باشقا دیل قاتام

یوردونا یانان ، آختارسان منم

وطنه قوربان ، آختارسان منم

شاعیر : وحید شکرزاده


برچسب‌ها: تورکون مارالی, آذربایجان شعرلری, تورکی شعر, تورکجه شعر, سئوگی شعری, شعرهای ترکی
+ يازان وحید شکرزاده | داغ کن - کلوب دات کام
 
http://atilbatil.shopingfa.com/images/product/bn4ydk3zms.jpg
آذربایجانی موزیک

تورکی شعرلر

تراختور خبرلری

http://www.pcparsi.com/uploaded/pcacce1947e66408bc250176fcc40b8ab4_q33t3u0c7hcmo0ima8u.jpg
آموزش زبان ترکی

http://www.iranvij.ir/upload/images/582qhi7d05o95liayb9z.gif
تورکی اس ام اس لر
http://www.pic.iran-forum.ir/images/lrevkaiyb25721vzddn.jpg
آتا بابا سؤزلری
http://vista.ir/include/books/images/489906.jpg
بایاتیلار


تورکی کیتاب لار

http://www.iec-md.org/baank_sedaa/images/b_n-torki.gif
تورکی نوحه لر
http://s1.picofile.com/file/6296020120/604.jpg
تورک شخصیتلر
http://www.rasanews.ir/Images/News/Larg_Pic/27-2-1388/IMAGE633781764989218750.jpg
وبلاق موسابیقه سی



منیم شعرلریم

http://www.kitablar.com/data/thumbnails/37/heyderbaba.jpg
خالق ادبیاتی
http://www.azer.com/aiweb/categories/magazine/93_folder/93_photos/mashadi_3.jpg
ماهنی سؤزلری
http://qadin.net/uploads/posts/2010-03/1268404188_usaq-nagili.jpg
ناغیل و حیکایه لر

http://static1.cloob.com/public/user_data/club_photo/6/38110.jpg
آذربایجان لینک لری


نصرت کسمنلی

استاد شهریار

علی آقا واحد

http://upload.wikimedia.org/wikipedia/az/e/e2/N%C9%99simi.jpg
عمادالدین نسیمی





+ يازان وحید شکرزاده | داغ کن - کلوب دات کام

سئویب سئویلمک نه حقیم منیم

 

سن گوزل بیر قیز ، من چیرکین اوغلان

سن نازلی جیران ، من یاشلی قافلان

سن ملک اوزلو ، منده کی شیطان

سنی ایسته مک ، نه حقیم منیم

 

سئویب سئویلمک ، نه حقیم منیم

اینان کی پولدور ، زمانه شاهی

پولسوز عاشیقین وار فقط آهی

من تک مجنونون ، یوخدور پناهی

گؤزلرین سئومک ، نه حقیم منیم

 

سئویب سئویلمک ، نه حقیم منیم

مندن اوستون دور ، سنین سوادین

آدیمدان گؤزل ، وار سنین آدین

بالدان شیرین دیر ، یقین کی دادین

دوداغین اؤپمک ، نه حقیم منیم

 

سئویب سئویلمک ، نه حقیم منیم

تک اوستونلویوم ، اولوب دور یاشدا

بئش آلتی ساچدیر ، قالیب دیر باشدا

قورتارمیر منی ، بو چاتما قاشدا

ساچلارین هؤرمک ، نه حقیم منیم

 

سئویب سئویلمک ، نه حقیم منیم

باخیشین معصوم ، گولوشون شکر

بو ایکیسی یار ، دونیایا دَیـَر

منده گولنده ، جهنم گلر

سنینله گولمک ، نه حقیم منیم

 

سئویب سئویلمک ، نه حقیم منیم

سنی سئویرم ، اوره ییم عاشیق

آما دئیلم ، من سنه لاییق

سؤیله نئنییم ، بونلار حقاییق

سنله ائولنمک ، نه حقیم منیم

 

سئویب سئویلمک ، نه حقیم منیم

شاعیر : وحید شکرزاده


sevib sevilmək , nə həqqim mənim

 

sən gözəl bir qiz , mən çirkin oğlan

sən nazlı ceyran , mən yaşlı qaflan

sən mələk üzlü , məndə ki şeytan

səni istəmək , nə həqqim mənim

sevib sevilmək , nə həqqim mənim

ınan ki puldur , zəmanə şahı

pulsuz aşıqın , var fəqət ahı

mən tək məcnunun , yoxdur pənahı

gözlərin sevmək , nə həqqim mənim

sevib sevilmək , nə həqqim mənim

məndən üstündür , sənin savadın

adımdan gözəl , var sənin adın

baldan şirindir , yəqin ki dadın

dodağın öpmək , nə həqqim mənim

sevib sevilmək , nə həqqim mənim

tək üstünlüyüm , olubdur yaşda

beş altı saçdır , qalıbdır başda

qurtarmır məni , bu çatma qaşda

saçların hörmək , nə həqqim mənim

sevib sevilmək , nə həqqim mənim

baxışın masum , gülüşün şəkər

bu iksi yar , dunyaya dəyər

məndə güləndə , cəhənnəm gələr

səninlə gülmək , nə həqqim mənim

sevib sevilmək , nə həqqim mənim

səni sevirəm , ürəyim aşiq

ama dəyiləm , mən sənə layiq

söylə neynəyim , bunlar həqayiq

sənlə evlənmək , nə həqqim mənim

sevib sevilmək , nə həqqim mənim

Şair : Vəhid Şükürzadə

 


برچسب‌ها: وحید شکرزاده, تورکی شعر, سئویب سئویلمک, آیریلیق شعرلری, تورکی شعرلر
+ يازان وحید شکرزاده | داغ کن - کلوب دات کام


یاشا تیراختور

قارتال تیراختور ، بیزلره جان سان

وور گل لاری وور ، سن گل ووران سان

قوردلار دره سی ، یاشاسین سسی

سن قودرتینی ، بیزدن آلان سان

یوز مین طرفدار ، سسلر اوجالار

یاشا تراختور ، سن قهرمان سان

هر تیم کی اولسا ، دیفایا دولسا

جیریخ یئرینی ، تئز تئز تاپان سان

دالیندا میللت ، ائیله سن هیممت

تیم لر ایچینه ، قورخو سالان سان

هر گون اودورسان ، بیزه غرورسان

آذربایجانا ، قیزیل نیشان سان

شاعیر : وحید شکرزاده

 



برچسب‌ها: تیراختور, شعر ترکی تراختور, تراختور, تورکی شعر, یاشا تراختور
+ يازان وحید شکرزاده | داغ کن - کلوب دات کام

http://www.aktuel-bilgi.com/wp-content/uploads/2010/12/Sevgili-Do%C4%9Fum-G%C3%BCn%C3%BC-Kartlar%C4%B1.jpg

Doğum günün mübarək

Illər öncə bugündə , firlandı çərxi fələk

Göndərdi Tanrı yerə , bir nazlı duzlu mələk

Günəş üzlü incə bel , şirin sözlü uzun tel

Gözəllər maralıdır , bu ahu gözlü göyçək

Masum baxışlarınla , titrətdin qəlbimi sən

Doğum günün birtənəm , olsun sənə mübarək

Bucur gözəl bir gündə , təqdim edirəm sənə

Sevgi dolu hədiyə , birdəki qırmız çiçək

Şad günlərin çox olsun , dərdin qəmin yox olsun

Səni çox sevdiyimdən , tutdum bucur xoş dilək

Tək varlığımsan ey can , olum sənə mən qurban

Sənin xoşbəxt olmanı , istər bu aşıq ürək

Şair : Vəhid Şükürzadə

 http://www.resimlerii.com/wp-content/resimleri/Do%C4%9Fum-G%C3%BCn%C3%BC-Mesajlar%C4%B1.jpg

دوغوم گونون موبارک

ایللر اونجه بو گونده ، فیرلاندی چرخی فلک

گؤندردی تانری یئره ، بیر نازلی دوزلو ملک

گونش اوزلو اینجه بئل ، شیرین سؤزلو اوزون تئل

گؤزللر  مارالی دیر ، بو آهو گؤزلو گؤیچک

معصوم باخیشلارینلا ، تیترتدین قلبیمی سن

دوغوم گونون بیرتانم ، اولسون سنه موبارک

بوجور گؤزل بیر گونده ، تقدیم ائدیرم سنه

سئوگی دولو هدیه ، بیرده کی قیرمیز چیچک

شاد گونلرین چوخ اولسون ، دردین غمین یوخ اولسون

سنی چوخ سئودییمدن ، توتدوم بوجور خوش دیلک

تک وارلیغیمسان ای جان ، اولوم سنه من قوربان

سنین خوشبخت اولمانی ، ایستر بو عاشیق اورک

شاعیر : وحید شکرزاده

 http://urdustar.com/home/attachments/congrates-greetings/79382d1250948411t-happy-birthday-maheen-happy-birthday-cake.gif


برچسب‌ها: وحید شکرزاده, تورکی شعر, دوغوم گونو, دوغوم گونو شعری, دوغوم گونون موبارک
+ يازان وحید شکرزاده | داغ کن - کلوب دات کام

 

http://20uploads.com/images/1390/shahrivar/13148531741.jpg

 

اورمو گؤلو

اورمو گؤلو نه لر گلیب باشینا ؟

قورودورلار نییه بو آز یاشینا ؟

قوربان اولوم او دوزلو گؤز یاشینا

نییه سنین گؤزون یاشین سیلن یوخ ؟

آخی ندن سنی درمان ائدن یوخ ؟

اورمو گؤلوم ندیر سنین گوناهین ؟

یوخدور سنین بیزدن سونرا پناهین

آلمامیسان هئچ بیر اینسانین آهین

سنین سودا کی بیر نفر اؤلن یوخ

آخی ندن سنی درمان ائدن یوخ ؟

بیر زامانلار چیمردیک قوجاغیندا

قویلاناردیق شفالی تورپاغیندا

سوسوز قالیب دیر دیلین ، دوداغیندا

نییه چایلار باغلانیب دیر گلن یوخ ؟

آخی ندن سنی درمان ائدن یوخ ؟

اورمو گؤلوم اولدون بیزه سن آنا

اینصاف دئیل قویاق اوره یین یانا

اولماز ائولاد کی اؤز آناسین دانا

دوزلو دنیز سندن کیمسه کوسن یوخ

آخی ندن سنی درمان ائدن یوخ ؟

آذربایجان قلبی سنده دؤیونور

سن اولماسان یوردوم اؤلو گؤرونور

میللت سنسیز باشقا یئره کؤچونور (کؤچونور=>کوچانده می شوند)

نییه سنین دردینی هئچ بیلن یوخ ؟

ندن آخی سنی درمان ائدن یوخ ؟

دوز یئتدی گون یاتدیم اورمو گؤلونده

آلدیم سندن " دوزلو اوغلان " سؤزونده

اوخویورام سنین آغلار گؤزونده

آذربایجان گلینینی سئون یوخ ؟

آخی ندن منی درمان ائدن یوخ ؟

شاعیر : وحید شکرزاده

 

http://20uploads.com/images/1390/shahrivar/13148534441.jpg

 

Urmu Gölü

Urmu gölü nələr gəlib başına ?

Qurudurlar niyə bu az yaşına ?

Qurban olum o duzlu göz yaşına

Niyə sənin gözün yaşın silən yox ?

Axı nədən səni dərman edən yox ?

Urmu gölüm nədir sənin gunahın ?

Yoxdur sənin bizdən sonra pənahın

Almamısan heç bir ınsanın ahın

Sənin suda ki bir nəfər ölən yox

Axı nədən səni dərman edən yox ?

Bir zamanlar çimərdik qucağında

Quylanardıq şəfali torpağında

Susuz qalıbdır dilin dodağında

Niyə çaylar bağlanıbdır gələn yox ?

Axı nədən səni dərman edən yox ?

Urmu gölüm oldun bizə sən Ana

Insaf dəyil qoyaq ürəyin yana

Olmaz evlad ki öz Anasın dana

Duzlu dəniz səndən kimsə küsən yox

Axı nədən səni dərman edən yox ?

Azərbaycan qəlbi səndə döyünür

Sən olmasan yurdum ölü görünür

Millət sənsiz başqa yerə köçünür

Niyə sənin dərdini heç bilən yox ?

Axi nədən səni dərman edən yox ?

Düz yetdi gün yatdım urmu gölündə

Aldım səndən " Duzlu Oğlan " sözündə

Oxuyuram sənin ağlar gözündə

Azərbaycan gəlinini sevən yox ?!

Axı nədən məni dərman edən yox ?

Şair : Vəhid Şükürzadə

 


برچسب‌ها: اورمو گؤلو, تورکی شعر, وحید شکرزاده, شعر ترکی دریاچه اورمیه, اورمو گولو شعر ترکی
+ يازان وحید شکرزاده | داغ کن - کلوب دات کام


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین


عاشیق اورک

ساده دئییم ای اوره ییم یار سنی دای سئومه ییری

کونلونده کی او سئوگینین دیرینی بیلمه ییری

دونیا قدر سنی سئون سنله دئییب سنله گولن

آیریلیق دان یانان قلبه نه دن درمان گلمه ییری

زامان دورور نفس گلمیر ، اونو گؤرن زامان آما

گؤزلرینی آچ اوره ییم او هئچ سنی گؤرمه ییری

هر گون هر آن سؤیله ییرسن سنی گولوم چوخ سئویرم

آما اونا سوراندا کی سئویرسن سن ؟ دینمه ییری

سنی قویوب گئدن زامان دئدین اونا گئتمه دایان

بسدی داحا قبول ائله یارین سنه دؤنمه ییری

دئدیم سنه نصیحتی ، آما هاردا قولاق آسان

من تانیان عاشیق اورک آیریلماغا دؤزمه ییری

شاعیر : وحید شکرزاده

Aşiq ürək

Sadə deyim ey ürəyim yar səni day sevməyiri

Könlündəki o sevginin dəyərini bilməyiri

Dunya qədər səni sevən sənlə deyib sənlə gülən

Ayrılıqdan yanan qəlbə nədən dərman gəlməyiri

Zaman durur nəfəs gəlmir onu görən zaman ama

Gözlərini aç ürəyim o heç səni görməyiri

Hər gün hər an söyləyirsən səni gülüm çox sevirəm

Ama ona sorandaki sevirsən sən ? dinməyiri

Səni qoyub gedən zaman dedin ona getmə dayan

Bəsdi daha qəbul elə yarın sənə dönməyiri

Dedim sənə nəsihəti ama harda qulaq asan

Mən tanıyan aşiq ürək ayrılmağa dözməyiri

Şair : Vəhid Şükürzadə

 


برچسب‌ها: وحید شکرزاده, تورکی شعر, عاشیق اورک, سئوگی شعرلری, تورکی شعرلر
+ يازان وحید شکرزاده | داغ کن - کلوب دات کام

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین


Sənsiz günlərim

Iki gözüm telfonuma baxa baxa qalıbdır

Qoy ki baxım bəlkə yarım bir sms atıbdır

Götürürəm telfonumu min bir arzu ümidlə

Ama onda " yoxdur yeni bir sms " yazıbdır

Yol gedirəm vay elə bil telefonum zəng çalır

Tez baxıram heç kimsə yox ürək yalnış sanıbdır

Gecə gəlib yardan xəbər almamışam bugündə

Gözləyirəm yoxdur xəbər saat üçə çatıbdır

Hüş tutubdur bir sms səsilə mən oyandım

Oxuyuram bir yoldaşım məni ələ salıbdır

Inanırsan böylə keçir sənsiz gülüm günlərim

Hicrin məni yandırıbdır yaxıbdır

Şaır : Vəhid Şükürzadə

 

سنسیز گونلریم

ایکی گؤزوم تلفونوما باخا باخا قالیب دیر

قوی کی باخیم بلکه یاریم بیر اس ام اس آتیب دیر

گؤتورورم تلفونومو مین بیر آرزو اومیدله

آما اوندا "یوخدور یئنی بیر اس ام اس" یازیب دیر

یول گئدیرم وای ائله بیل تلفونوم زنگ چالیر

تئز باخیرام هئچ کیمسه یوخ اورک یالنیش سانیب دیر

گئجه گلیب یاردان خبر آلمامیشام بوگون ده

گؤزله ییرم یوخدور خبر ساعات اوچه چاتیب دیر

هوش توتوب دور بیر اس ام اس سسیله من اویاندیم

اوخویورام بیر یولداشیم منی اله سالیب دیر

اینانیرسان بویله کئچیر سنسیز گولوم گونلریم

قاییتگینان هیجرین منی یاندیریب دیر یاخیب دیر

شاعیر : وحید شکرزاده

 

 


برچسب‌ها: وحید شکرزاده, تورکی شعر, سنسیز اولماز, سئوگی شعرلری, تورکی شعرلر
+ يازان وحید شکرزاده | داغ کن - کلوب دات کام

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین


Ana dərdimi bilən yox

Ürəyimdə çoxlu qəm var Ana dərdimi bilən yox

Gözlərim qan ağlayırı gözümün yaşın silən yox

Sən olan zaman deyirdim güləş üzlü bir ınsanam

Sən gedəndən amma Ana gülmağımı heç görən yox

Gecələr təkliq tənhalıq yaman incidir qəlbimi

Qussədən və qəmdən sora məni kimsə dindirən yox

Həsrətəm Ana həsrətəm sənin o məhəbbətinə

Indi bir halin nəcürdi sözünü mənə deyən yox

Atamıda sən apardın indi məndə lap yalnızam

Siz ikiz gedəndən daha bu evə gəlib gedən yox

Demirəm qayıt gəlginən barı gəl apar mənidə

Ki sənin gözəl balanı dünyada daha sevən yox

Şair : Vəhid Şükürzadə

آنا دردیمی بیلن یوخ

اوره ییم ده چوخلو غم وار آنا دردیمی بیلن یوخ

گؤزلریم قان آغلاییری گؤزومون یاشین سیلن یوخ

سن اولان زامان دئییردیم گولش اوزلو بیر اینسانام

سن گئدن دن آمما آنا گولماغیمی هئچ گؤرن یوخ

گئجه لر تکلیق تنهالیق یامان اینجیدیر قلبیمی

غصه دن و غم دن سورا منی کیمسه دیندیرن یوخ

حسرتم آنا حسرتم سنین او محبتینه

ایندی بیر « حالین نجوردی » سؤزونو منه دئین یوخ

آتامی دا سن آپاردین ایندی من ده لاپ یالنیزام

سیز ایکیز گئدن دن داحا بو ائوه گلیب گئدن یوخ

دئمیرم قاییت گلگینن باری گل آپار منی ده

کی سنین گوزل بالانی دونیادا داحا سئون یوخ

شاعیر : وحید شکرزاده


برچسب‌ها: وحید شکرزاده, تورکی شعر, آنا, آنا شعرلری, تورکی شعرلر
+ يازان وحید شکرزاده | داغ کن - کلوب دات کام


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین


Qısqanıram

Gülüm səni yerə göyə dağa bağa qısqanıram

Gözəl səsin hər eşidən cüt qulağa qısqanıram

Girdiyin o paltarına başındaki papağına

Saçlarına çəkdiyin cansız darağa qısqanıram

Səni görən hər adama Anan Atan qardaşına

Öpdüyün o beş altı aylıq uşağa qısqanıram

Yar səni mən dər duvara yaşadığın utağına

Hətta deyim yatdığın isti yatağa qısqanıram

Baxdığın hər bir yanağa qucaqlayan hər qucağa

Səni öpən hər kim ola o dodağa qısqanıram

Dediklərim çoxu şaka azı doğru amma səni

Bir mənə tay qısqanc aşiqin olmağa qısqanıram

Şair : Vəhid Şükürzadə

قیسقانیرام

گولوم سنی یئره گؤیه داغا باغا قیسقانیرام

گوزل سسین هر ائشیدن جوت قولاغا قیسقانیرام

گیردیین او پالتارینا باشینداکی پاپاغینا

ساچلارینا چکدیین جانسیز داراغا قیسقانیرام

سنی گؤرن هر آداما آنان آتان قارداشینا

اوپدویون او بئش آلتی آیلیق اوشاغا قیسقانیرام

یار سنی من در دووارا یاشادیغین اوتاغینا

حتی دییم یاتدیغین ایستی یاتاغا قیسقانیرام

باخدیغین هر بیر یاناغا قوجاقلایان هر قوجاغا

سنی اوپن هر کیم اولا او دوداغا قیسقانیرام

دئدیکلریم چوخو شوخلوق آزی دوغرو آما سنی

بیر منه تای قیسقانج عاشیقین اولماغا قیسقانیرام

شاعیر : وحید شکرزاده



برچسب‌ها: وحید شکرزاده, تورکی شعر, قیسقانیرام, سئوگی شعرلری, تورکی شعرلر
+ يازان وحید شکرزاده | داغ کن - کلوب دات کام


قاباخکي صحيفه Qabaxk? S?hif?
سونراکي صحيفه Sonrak? S?hif?